陳凱琳中暑失聯鄭嘉穎驚到唔敢瞓
陳凱琳早前到橫店拍劇又屙又嘔，男友鄭嘉穎大為緊張，但她掛住休息忘了覆對方電話，嘉穎擔心之餘更難以入眠！陳凱琳得悉後甜到漏，大讚對方是「100分老公」。
藝人陳凱琳（Grace）昨日到中環出席品牌活動，穿吊帶裙谷胸的她容光煥發，不似剛從橫店拍攝新劇《包青天再起風雲》後返港。Grace透露在當地拍攝時中暑：「好彩媽咪陪我去同照顧我，當時又嘔又肚唔舒服，去拍十日但第二日就病，好怕影響進度，肚痛到邊拍邊流眼淚，媽咪都肉赤。」
100分老公
問男友鄭嘉穎是否同樣肉赤？Grace說：「佢有WhatsApp搵我，但我返酒店瞓覺冇覆，媽咪拎我電話同佢講咩事，因為當日係林子善婚禮，我怕佢擔心，所以凌晨Send短訊畀佢，估唔到佢仲未瞓，話我未報平安佢瞓唔着。（加分？）佢真係好Sweet。（100分老公？）梗係100分啦。」
未計劃結婚
日前Grace與即將結婚的江若琳同場密斟，被指向對方取經，Grace承認關心對方婚禮，但未有計劃結婚。提到林子善在婚禮上透露有兄弟將「食胡」，她笑言：「係咪馬國明呀？推個波畀人先。（家人有冇畀壓力？）冇，好開心爹哋同嘉穎關係好好。」
文：影視組