龍小菌愛得深傷得愈深!

歌手龍小菌的樂隊帶菌者推出今年首支愛情新歌《去吧》,小菌日前接受訪問時表示:「為咗令大家有啲新鮮感,我哋衝出香港拍攝,特地走訪外地。」她笑言為免拍攝場地變新景點,拒透露正確位置,只稱該地方為「隱世秘境」,僅指該處每日都可以放煙花,配合歌曲意境:「我哋拍完兩日,個煙花裝置就壞咗兩星期,真係好彩。」小菌又指與年輕導演司徒穎賢合作MV,很欣賞對方拍攝時運用的光影與色彩,不少人看後指MV很有日本風,大家都很滿意。

問小菌可會跟前度做回朋友?自稱單身的她說:「本來我想可以做番朋友,因為始終大家深愛過對方,愛情係來自你對佢有幾深厚嘅愛,如果分咗手,愛仍然存在,但目前我發覺對方畀我嘅傷害係遠超過呢一份愛,愛得愈深傷得愈深。當我想同佢做朋友、保持交往,但發現換番嚟都係傷害。」不過她覺得隨着時間流逝,傷害和愛也會沖淡,所以不確定能否和前度做回朋友,要視乎當時的心境。