小肥被投訴經常「姨丈到」

歌手小肥去年與RubberBand成員阿偉等打造《睡前服》Project,早前二人聯同創作顧問康家俊、影片導演Timmy及藝術總監阿明受訪,為小肥今個月的演唱會宣傳。小肥笑說:「以往我嘅作品都Sad到落谷底,所以今次揀咗大量人哋嘅歌。」問到各人對小肥可有不滿?阿偉搶着說:「最憎、最頂唔順係佢每次食飯都爭住埋單!」但讚他很會照顧人,只不過經常多愁善感。康家俊亦笑指小肥是個「未長大的小妹妹」,經常鬧情緒:「佢啲『姨丈』係定期嚟,密過女生。」問小肥可要平反?他笑說:「我係咁!冇得改o架啦,或者盡量喺『姨丈』到嘅情況下唔好傷害人,有時我都語氣重咗。」