嘉玲唔賣帳笑「處男」詐嬌
劉嘉玲、謝君豪與秦沛將合演英皇舞台劇《奪命証人》，秦沛昨日在記者會上笑言希望兩人屆時「睇住」處男下海的他，嘉玲則無視要求：「好明顯佢喺度詐嬌啦！」
藝人劉嘉玲、秦沛與謝君豪昨日出席英皇舞台劇《奪命証人》記者會，老闆楊受成亦有現身撐場。劉嘉玲中門大開露「半球」示人，還騷白滑長腿，非常性感。秦沛表示61年前曾與蕭芳芳、陳寶珠等演出話劇，今次是首度正式演出舞台劇：「第一次做舞台劇有啲驚，因為冇得NG，就算風平浪靜，都會驚陰溝裏翻船，所以我希望兩位（指劉嘉玲與謝君豪）到時會睇住我。」
為綵排 叫偉仔留港過生日
不過，身旁的劉嘉玲卻唔賣帳：「我唔會睬佢！好明顯佢喺度詐嬌啦！我哋喺TVB嘅電視劇合作過，我成日都會去佢屋企黐飲黐食，依家一講起秦沛呢個名，有邊個唔知佢係一個好戲嘅人？」受訪時，劉嘉玲自言是樂於接受挑戰的人，每次演出舞台劇都有助提升演技，又指秦沛是實力派演員，故未有過分擔心對方：「出嚟嗰一下好緊張，但當見到現場所有嘅工作人員都好集中做嘢，自己都會變得好集中而唔會發台瘟。（你到時會唔會望台下啲觀眾？）唔會！因為舞台啲燈打埋嚟好燦眼，但台下觀眾有時會講嘢、電話響、有啲人會咳，都有機會令自己分心。」
另外，嘉玲透露導演毛俊輝不准演員在綵排期間請假，她說：「因為都要綵排到6月初，我有成四個月冇得離開香港，所以我會叫佢（梁朝偉）留番喺香港過生日。」
文：影視組