李佳芯王浩信 擁超能力 不食不瞓
藝人李佳芯（Ali）昨日以紅色低胸裙與視帝王浩信出席超級英雄電影活動，浩信笑言最愛鐵甲奇俠，Ali則迷戀美國隊長。他倆又笑言自己的超級能力是「唔使食」及「唔使瞓」。
Ali被冠以「甜美女神」介紹出場，她搞笑說：「大家一見到我糖尿病都好番，畀我吸晒啲糖，我個人又甜啲！」浩信被問到有否收藏公仔？他說一直都想收藏：「希望廠商留意吓香港嘅角色，或者做番隻盲俠公仔，不過我依家都係儲錢先！（儲成點？）啲樓價一直係咁升！」問Ali是否同樣要儲錢置業？她笑說：「想儲多啲開心能量，因為太容易流失。（見到男友陳炳銓就有？）未必喎，勞氣嘅梗有，總會有開心同唔開心，最緊要留住啲好嘅，唔開心就忘記咗佢。」