孖馬浚偉跳舞陳穎被嘲似殭屍

藝人陳穎(Melody)早前與馬浚偉擔任微電影男女主角,上演浪漫愛情故事。戲中Melody飾演參加歌唱比賽的女生,邂逅評判馬浚偉,猶如灰姑娘成名故事,片中除有貼身舞戲份,Melody更獻唱兩首歌,她說:「我哋喺空中花園邊作歌邊跳舞,睇劇本都覺得有壓力!音樂電影嘅對白唔算多,但表情、肢體語言都要好表達到。」她坦言因平時有練歌,所以對唱歌有信心,反而被跳舞考起:「馬浚偉話我跳到似殭屍,好硬,可能緊張,好在拍攝加剪接好犀利,出嚟效果好靚!」她透露微電影會在東南亞各地播放,已籌備第二輯跟馬浚偉再續情緣。