藝人張繼聰和謝安琪（Kay）人前人後都咁恩愛，就算一張普通單人相，都充分表達出二人愛網上放閃「耍花槍」的作風。
張繼聰昨日在網上放了一張獨自望海的單人相，他穿上背心，頸上披着毛巾，明顯剛做完運動，本來亮點是他的一雙麒麟臂，但阿聰的留言更吸引：「認真嘅男人可能真係好吸引，吸引咗一位女士情不自禁咁偷拍我。」當大家都好奇「這位女士」是誰時，Kay就衝出來留言說：「叫人幫你揸機影相，轉頭又屈人嘅。」這段對話看似埋怨，實則放閃，Kay陪老公做運動，又打情罵俏，甜到漏！網友都話甜到「就嚟頂唔順喇」！