舒淇聞黎明做老竇：係時候喇！

導演杜琪峯、舒淇、日本導演矢崎仁司及李駿碩等昨晚到油麻地出席電影活動，分享對本地電影及新進導演的期望，舒淇在台上說：「新導演最緊要有能力講故事，對電影要有熱情，要有自己風格，唔好後悔，唔好聽人哋意見……」但不忘向杜琪峯笠高帽：「除咗杜Sir嘅意見外。」杜琪峯則表示想請舒淇出席此電影活動多年，今年終於成功請到她。

生B順其自然

事後兩人受訪，提到舒淇近日因皮膚敏感問題而停工休息，問到何時復工？她表示要過完暑假再看情況，而現場所見，舒淇的皮膚看來沒甚麼問題，她說：「依家狀況比之前好好多，希望可以拍吓短片嘅。」提到舊愛黎明將做老竇，舒淇保持笑容說：「呢啲八卦嘢唔答喇！（真o架！）真嘅唔係八卦咩？（覺唔覺意外？）都唔會，都係時候喇！（咁你都努力啲？）盡量啦！我順其自然。」

提起杜琪峯想邀舒淇出席活動多年，舒淇指對方太客氣，其實今次是第一次找她，杜琪峯說：「因為知佢忙，今年我好彩咋！否則下一年都要追佢。（點解搵舒淇？）佢得過好多獎，對電影圈有貢獻，畀到年輕新導演有勇氣同動力。」

拒絕做導演

問舒淇有否新導演找她合作？她笑說：「從來冇！反而新入行嗰陣就有，其實我幾鍾意拍導演第一次嘅戲，應該由有經驗嘅人帶住，演員就做好自己，唔好加重佢哋壓力，同埋增加新導演熱情。（冇新導演搵你係咪你太貴？）梗係唔係，我都係睇劇本。」杜琪峯亦撐她拍戲並不一定為錢。問舒淇有否興趣做導演？她即耍手擰頭，杜琪峯笑說：「做演員好哋哋，做乜做導演？辛苦工作，導演係厭惡性行業。」

文：影視組