袁偉豪HeHe情濃三咀林子善
藝人袁偉豪於無綫新劇不時親吻男性，昨日現身宣傳時則與好兄弟林子善扮咀，沒料被唐詩詠及朱晨麗左右夾攻，被迫上演「HeHe」之吻，更連咀三次，事後詩詠獻計袁偉豪與女友張寶兒邊咀邊煲劇，抵死到爆！
袁偉豪、唐詩詠、朱晨麗（朱朱）及林子善等昨日為無綫新劇《棟仁的時光》宣傳，眾演員為配合劇情分別作狀扮咀，惟袁偉豪與子善埋位時，詩詠與朱朱硬把兩人頭部黐埋，變相令他們上演「HeHe」之吻，最終亦順應要求連咀三次。
「預咗隊個嘴埋嚟」
對於與子善咀嘴，袁偉豪笑指非首次：「劇入面我要咀好多人，起碼十個以上，包括男仔，子善亦係其中一個，佢仲有讚我個嘴唇軟綿綿！識得太耐啦，都預咗佢頭先隊個嘴埋嚟！」被取笑屆時要禁止女友張寶兒觀看劇集，袁偉豪笑指不介意全家一起觀賞，在旁的詩詠聞言說：「咁一路咀一路睇囉！」
冇人醉酒鬧事
談到有指林子善婚宴當晚，兄弟之一的鄭嘉穎與某導演發生爭執，亦是兄弟團之一的詩詠說：「冇唔開心事發生，嘉穎個樣唔笑以為佢黑面啫！」袁偉豪則說：「我都唔知有呢件事發生，嗰晚我哋好似G4特工咁，戴晒耳機去處理場面。」而子善則表示不知情，力撐嘉穎飲酒有節制，不會醉酒鬧事：「可能大聲兩句會令人有誤會啫！」
文：影視組