前大律師林作前晚更新社交網站簡介，自稱「可能是娛樂圈及補習界學歷最高嘅人」，即時遭網民狙擊鬧爆。事實林作確屬「有料之人」，曾在英國留學，先後入讀當地貴族級學府哈羅公學，在牛津大學取得數學榮譽理學士及牛津大學文學碩士，於香港大學取得法學碩士，但因衰太大口氣而被抨擊。
對於網民言論，林作受訪時謂絕對不會退縮，既無意冒犯任何人，所以會繼續我行我素：「我出個Post話我更新咗呢個簡介，冇理由去挑起任何人對我嘅仇恨，只可以話啲人酸葡萄，呢個唔係我問題，啲人無端端攻擊我，我只可以以牙還牙，之前我都講過我會咁做，絕對唔可以姑息呢啲無端端挑起事端嘅網民，我係會絕對還擊。同埋我公司啲人都講，我係講乜都會畀人鬧嘅人，不過我都習以為常，但唔會退縮。」