「憂鬱小生」雷震離世享年85歲
有「憂鬱小生」之稱、已故影后樂蒂的哥哥雷震（原名奚重儉）前晚離世，享年85歲，好友馬海倫及丁羽證實其死訊。雷震是五、六十年代當紅小生，代表作有《青山翠谷》及《情深似海》等。雷震與林黛、尤敏及林翠等女星合作無間，70年代暫別幕前。1974年他與嘉禾武打女星茅瑛結婚，育有一女，但婚姻僅維持6年便告終，晚年一人獨居香港。
感覺高高在上
好友甄珍接受電話訪問時，大讚雷震文質彬彬：「我哋本來係鄰居，一班朋友包括沈殿霞同謝賢等住喺廣播道，所以成日約埋一齊打牌。雷震牌品好、牌章唔高，同我都係魚腩一族。」她又表示搬離廣播道後，與雷震少了聯絡，但去年有透過其女兒相約飯敍，可惜對方表示身體不適，沒有應約：「遺憾冇見到佢一面，唔知道佢身體有乜唔舒服。佢個女嘅名係我同雷震太太茅瑛一齊改，當年我拍緊電影《佩詩》，最終就用咗呢套戲女主角佩詩個名。」
雷震早年曾復出拍電影，與梁朝偉、張曼玉合作《花樣年華》及《古惑仔2猛龍過江》等。《古》片導演劉偉強表示：「當年係天林叔（王晶父親王天林）幫我搭路搵佢拍嘅，覺得佢好有台灣味。佢係我一個好尊敬嘅前輩，感覺高高在上。」至於有份演該片的譚小環亦感可惜。
唯一興趣打麻雀
至於丁羽指好友雷震個性沉靜，但相當講義氣，唯一興趣是打麻雀，二人是多年「雀友」。馬海倫亦惋惜說：「年紀到了人總要走，我哋叫佢三阿哥，為人非常靜，後來佢個女結婚之後開朗咗，好慈祥，係好好先生。」
文：影視組