林敏驄膽生毛！汪明荃被黐ViuTV貼紙
藝人羅家英及李子雄昨日到邵氏錄影廠，錄影由梁漢文、林敏驄（阿驄）主持的ViuTV遊戲節目《Good Night Show全民星戰》，期間汪明荃（阿姐）「突襲」探家英班，並大方合照，惟合照時阿驄竟大膽將ViuTV貼紙放在無綫鎮台之寶阿姐頭上！而阿姐表現親切，但指不方便接受訪問。
阿姐逗留了約一小時，問家英會否怕阿姐身份尷尬？他說：「羅汪明荃係以羅太身份、明星足球隊名譽會員身份嚟探班，而且冇受訪，只係影張相啫！咁我好少做電視節目，佢細佬喺外國返嚟，喺附近飲茶，順便嚟為我打氣。」他又表示會與阿姐到俄羅斯欣賞世界盃決賽，但家英笑言對方不懂球例：「有次個波出咗界，我用手掟界外球，佢問我點解唔係用腳。」