方力申發起比賽 鄧月平攞正牌發呆唔使捱鬧
藝人鄧月平昨日參加由方力申發起在港舉行的發呆比賽，同場還有「模特兒男神」黎學勤與模特兒女友林洛鍶、舞台劇演員鄧智堅等，鄧月平表示好開心報名參加藝員組，因為以前發呆會捱鬧：「讀書發呆會畀老師鬧，返工發呆就會畀老闆鬧，屋企發呆都會畀媽咪鬧！」她認為做演員有時要靜下來，發呆可以幫助心靈紓緩。
呆廿分鐘即閃
鄧月平透露稍後要拍新戲，可以趁機想下電影角色，問到豈不是有違發呆放空的原意？她說：「我發呆、放空時都不斷有畫面。（用咩姿勢發呆？）倒掛金鈎就唔會，會係一個最舒服嘅姿勢，我會擔住遮，女仔唔好曬咁多，要好好保護自己。」由於她誤會了比賽時間，因工作關係，結果發呆了廿分鐘就閃人。
參賽者好入戲
作為今次比賽發起人的小方未有落場參賽，以義工身份為參賽者打氣，他說：「90分鐘唔講嘢真係唔得，唔郁更加困難，自己睇戲都拎住電話，起身一擘大眼就睇電話，冇嘢做都唔畀個腦停吓，細個時，我爹哋以為我過度活躍症。」他笑言眼見很多參賽者好入戲：「佢哋呆住嚟，希望下年再舉辦，有機會想去內地其他城市搞，希望多啲唔同國籍、背景嘅人嚟，好似和尚、法師、神父等。」身為心晴行動大使的小方，將活動籌得的錢捐作慈善，他指城市人生活很多精神壓力，問題會愈想愈煩：「我想話畀都市人知，應該畀自己暫停一陣，放空之後可能更好。」
文：音樂組