娶吳香倫婉拒婚戒贊助 陳榮峻：自己買先忠誠

資深藝人陳榮峻早前向拍拖三年的女友吳香倫（Helen）求婚成功，正着手籌備七月的婚禮，日前二人手拖手到珠寶店選購結婚對戒，雖然店家主動提出贊助，但陳榮峻與Helen認為婚戒有重要意義，故婉拒好意，他表示：「佢哋話想贊助，但我哋堅持要真金白銀去買，因為戒指係要自己畀錢買，先有忠誠喺度。」問到婚禮酒席，陳榮峻表示安排中：「原本諗30圍，但真係唔得呀，想40圍內。」
陳榮峻和吳香倫大晒婚戒，Sweet到暈！
陳榮峻和吳香倫大晒婚戒，Sweet到暈！

攞證書教堂行禮

身為天主教徒的二人早前更完成了「公教婚姻輔導班」，陳榮峻透露：「天主教有規定，如果要教堂行禮係要上輔導班，我哋上咗三堂拎到證書，拎唔到證書係唔可以喺教堂行禮。」他表示婚禮將於7月10日在堅道16號天主教聖母無原罪主教座堂舉行：「我哋仲未註冊，暫定係7月10日，因為我要去橫店拍新劇《包青天再起風雲》，拍完返嚟先登記。」

文：影視組

  • 放大圖片
為了在教堂行禮，陳榮峻和吳香倫特地上堂拎證書。
  • 為了在教堂行禮，陳榮峻和吳香倫特地上堂拎證書。