學歷高 曉讀心 朱千雪嘆岑杏賢難搵對象
藝人朱千雪、岑麗香（香香）、張名雅及岑杏賢（Jennifer）等昨日到荔枝角出席《big big channel x Think Big！Workshop》復活節活動，千雪與小朋友玩得投契，但她表示跟男友未有結婚生BB計劃，暫時享受戀愛。單身的Jennifer則稱隨時Ready再拍拖，問千雪有否好介紹？她笑說：「有都介紹咗啦！」Jennifer說：「佢有兩個妹，係都介紹畀妹妹先，我最多排第三！」千雪笑說：「咁都冇辦法，兩個妹嫁唔出要我養(O架)！而且Jennifer學歷高，都幾難搵！」不過，Jennifer不覺得學歷高難找對象，認為男士應要有自信。
香香被街市阿姐催生
千雪講多錯多，指跟Jennifer一起會很大壓力：「佢係心理顧問，同佢一齊佢會知你諗乜，會輔導你！我心諗，你咁勁，我唔使講嘢啦！」Jennifer顯得相當無奈：「唔好再踩喇！我已經好難搵！你真係好姊妹喇！」
此外，現場有小女孩表示最愛玩的是「香香公主」，笑爆全場！已為人妻的香香笑言被小朋友當公仔玩很開心，問到有何招數氹小孩？她說：「BB易氹，我畀佢坐大髀就OK，等佢舒服啲。（有冇食過檸檬？）都有呀！請佢哋食嘢，唔鍾意會直接講。（計劃幾時生BB？）我仲係細路仔，都要學吓點湊，其實我去到邊都畀人叫我快啲生，去街市買餸，啲阿姐都催我，真係要順其自然呀！」
文：影視組