黃建東母墮騙局被呃8萬
藝人黃建東（Derek）在社交網透露母親誤墮「遊戲點數卡騙局」，誤以為親友出事被騙八萬港元，事後到警署報警求助，大呻損失慘重！
藝人黃建東前晚於母親報案後接受本報訪問，對於母親墮入騙局坦言感到忟憎，從沒想過會發生在家人身上：「佢係一名跳舞老師，用緊iPhone，基本上唔係同社會脫節。」他指母親當時收到姨丈WhatsApp要求買遊戲點數，沒追問情況下立即去便利店過數：「佢本身上緊堂教跳舞，即刻去咗便利店買遊戲點數，嗰八萬係分開碌幾次，便利店職員又唔覺有問題，畀晒錢先打畀阿姨同佢啲仔女，但已經太遲。」
難追討損失
Derek表示警方指信用卡並非被盜用，過數屬於自願，故難以追討損失：「警方陪咗佢去搵便利店經理問番個情況，呢樣嘢都唔係第一次發生，如果張單仲未影畀個騙徒，仲可能可以拎番啲錢，但騙徒開咗個序號就過咗數冇得追番。」問到媽媽心情如何？他說：「尚可以，但我就好嬲，返到屋企嗰刻我都撳住自己，八百蚊都話，點知係八萬蚊。（損失慘重？）係，佢本身係一個好慳嘅人，教跳舞教到腳斷先得雞碎咁多。」他慨嘆今次當買教訓，但買得有點貴，而母親則希望事情告一段落，並奉勸所有父母任何事都要跟子女商量。
文：影視組