劉嘉玲主理心血時裝騷感動到喊

劉嘉玲以創辦人及創意總監身份現身自家設計品牌ANIRAC時裝騷，今次已是她第三次以該身份出席上海時裝周，但依然相當緊張，在時裝騷前一晚，嘉玲已現身會場與一眾模特兒進行綵排，更親手為模特兒的排位和服裝穿搭細節作指導。出騷前，嘉玲更於後台作最後準備，務求令時裝騷一絲不苟。完騷後，嘉玲即感動流淚。

「同大家分享成果」

事後嘉玲受訪時直言：「每一次出騷都好感動，因為同拍戲好唔同，每一個細節都會參與，同大家分享成果一刻，嗰份感動、背後所付出嘅心血，真係好難言喻，好感謝每一位同我並肩作戰嘅團隊同事。」

去年品牌時裝騷，嘉玲老公梁朝偉專誠撐場，雖然今年因有工作在身未能相伴，但一句「Good Show」已令嘉玲甜在心頭，她說：「精神上支持好重要，心到已經好足夠，同埋佢畀咗好多自由同時間我去搞呢個品牌，冇投訴都已經係一種支持。」

劉嘉玲現身自家設計品牌時裝騷，與一眾模特兒合照。

劉嘉玲凡事親力親為，一絲不苟。

做生招牌謝幕

今次時裝騷邀得多位超模同台演繹新裝，包括國際超模汪曲攸、劉春杰、康思佳及趙佳麗等，而嘉玲在時裝騷尾聲亦穿上了品牌西裝謝幕，型格十足！談到今次搞時裝騷的點滴，嘉玲說：「籌備過程每一樣細節都要兼顧，高峰期一日要開十幾個會，真係少啲體力都唔得，所以要Keep住做運動，令自己精神更加好。」

文：影視組