黎瑞恩紅館騷露腿：似着泳衣唔自在
黎瑞恩（小恩子）相隔16年再踏紅館，將於4月5及6日舉行《黎瑞恩感恩有你演唱會2018》。距離開騷進入倒數階段，昨日小恩子在錄音室進行綵排，她說：「今日係第一日總綵排。（心情緊唔緊張？）唔緊張，反而好期待當晚見大家。」之前為個唱努力收身的她明顯瘦了，她笑說：「第一次試身同第二次試身已經差咗4吋，形象設計師話最緊要唔好肥番，因為改窄易過改闊。」
最怕美容贊助
小恩子自爆形象設計師見她瘦身後，即要求她露腿：「本來已經有一件露背裝，但設計師就話我條腿咁靚咁幼，平時睇唔出，遮住晒，要整過條裙畀我晒腿。我真係想像唔到，好似港姐着泳衣嘅感覺好唔自在，但佢就話人一世物一世，點都要試吓。」她笑言仍要繼續努力Keep Fit，不過自覺不能太瘦：「過瘦冇肉變皺皮。（可能吸引到美容中心贊助你。）最怕呢啲贊助，贊助得就要還，反而自己畀錢做客人會自由啲。」
開心籌20部洗腎機
此外，早前小恩子發起籌款活動，為有需要病人買洗腎機，她開心說：「講咗出嚟之後，好多朋友都支持，依家善款已經可以買到20部洗腎機，希望再籌多啲，幫到更多人。」
文：音樂組