郭羨妮5歲囡囡 貪靚化妝噴閃粉

藝人郭羨妮昨日以露肩裙出席大埔超級城活動，大爆現年5歲多的女兒非常貪靚，她說：「佢兩歲已經會着我嘅高踭鞋喺屋企行嚟行去，到依家都係。今日學校有個復活節Party，我好早就起身幫佢整頭，佢自己化妝，搽吓Lip Gloss同噴閃粉，仲話噴閃粉前要搽Cream先黐得實。」
郭羨妮笑言若囡囡參選港姐，她只會在幕後煲湯支持。
郭羨妮笑言若囡囡參選港姐，她只會在幕後煲湯支持。

她笑言囡囡將來可以做其化妝師，甚至幻想過囡囡參選港姐：「如果佢話參加，我唔會出自己個名，唔會做提名人。唔想令佢有壓力，同埋想畀人一個公平嘅感覺，係佢自己去打拚，唔關阿媽事，我唔會出嚟，只會喺幕後煲湯畀佢飲。」

郭羨妮爆囡囡非常貪靚。
  • 郭羨妮爆囡囡非常貪靚。