毛舜筠新戲搞喊囡囡 周秀娜帶紙巾踩場
藝人毛舜筠主演電影《黃金花》昨晚舉行明星慈善場，一眾演員包括凌文龍、余安安及劉美君等紛紛現身，與毛舜筠同時入圍角逐本屆金像獎影后的周秀娜「踩場」，自爆帶定紙巾入場欣賞對手的精湛演技！
毛舜筠與凌文龍受訪時自爆已睇過該片數次，並說：「試過同細女睇，佢不嬲都唔係好喊，點知佢喊足兩次，唔知係咪屋企人關係，佢梗係話我做得好啦！」凌文龍即謂：「佢應該真心。」談到曾合作的黃秋生尋回失散的兩位孖生哥哥，她說：「好感動，好想訪問吓秋生感覺係點。」余安安則坦言得悉秋生有好消息，即短訊恭喜對方，秋生亦有回覆多謝她：「雖然我冇試過咁嘅情形，但好明白佢感受，嗰種尋根嘅感覺。」
另外，周秀娜被笑問是踩場抑或偷師，她說：「兩樣都係，好想快啲睇，我本身好易被家事觸動到，所以帶定包紙巾入場。」問到有否信心撼贏毛舜筠得金像影后？她說：「依家乜都冇諗，未到嗰日未識緊張，不過仲揀緊戰衣，想快啲試衫，因為之後我要出埠拍戲。」
文：影視組