軒仔個唱飛清倉 絕望粉絲促加場
搶飛熱潮再現！張敬軒一連三場的紅館個唱昨日公開發售，各大售票處門外一早出現人龍，不少忠實Fans更通宵留守，甚至不惜走入後樓梯「焗」排，惟「絕望座位表」再現，開賣兩小時後即告售罄，買不到票的粉絲紛紛催促軒仔加場！
睽違四年，歌手張敬軒將於6月15至17日第四度在紅館舉行《HINSIDEOUT張敬軒演唱會》，據悉3月初接受預訂時已經「爭崩頭」，所有優先訂購的門票被秒殺，內部訂購超額3倍。而3場門票昨晨10時起公開發售，但開放賣飛的座位數量不多，兩小時即被搶購一空，令不少Fans失望而回。
尖沙咀售票處昨日一早出現人龍，排頭幾位的Fans表示為了能搶得最佳位置，不惜通宵留守。對於早前流出一張疑似演唱會座位表，被一片黑海佔據，只剩五分一的座位予公開發售，追隨軒仔多年的Fans直呼擔心買唔到飛。得悉售罄消息後，門外Fans大叫絕望，並希望軒仔可以加場。
後樓梯焗住排隊
其中位於大埔的售票處人龍長至後樓梯，一位趕在上班前來購票的女士指：「雖然我冇追星嘅習慣，但睇佢擺上網嘅片，覺得佢有Gimmick（噱頭）得嚟又好唱得。如果買唔到會好失望，後樓梯咁焗都堅持排，真心想入場支持！」
不少網民亦在社交網發帖表示：「前面仲有幾十個人嘅時候已經話冇飛」、「連網址都入唔到呀張敬軒」、「10點開始開賣，07分職員宣布所有場得番單丁位」、「今時今日喺香港睇演唱會真係一票難求」。就歌迷希望加場的訴求，以及「絕望座位表」再現，英皇娛樂演唱會部負責人馮貽柏表示多謝支持，並叫大家密切留意加場消息。
文：音樂組