張建聲含淚爆孭20萬卡數
入行八年的藝人張建聲，去年憑網劇《反黑》中「招積」一角而爆紅，不過之前他曾經歷一段「霉爆」歲月，試過債台高築。日前他拍攝信貸廣告時親述自身經歷，眼泛淚光說：「爸爸早幾年離開咗，係喺我事業衝刺嘅時候離開。當時我拍緊《壹獄壹世界》要增肥到200磅，已經冇收入又要增肥，爸爸當時癌症末期，每個月都要呃住媽咪，又要搵錢返屋企撐住頭家，我自己又唔生性，冇儲錢，結果爭落廿幾萬卡數，好大壓力。」
幸好張建聲奮發向上擔起頭家，到「招積」彈出後名利齊來，回想當日至親離開又欠債纍纍，他不禁哽咽說：「嗰段時間賒借度日，連一百蚊都要問人借，街都冇得去，有時連踢波嘅搭車錢、買水飲都要諗埋，一個成年人窮嘅狀況去到咁，都真係去到好盡。嗰時日日喺屋企睇戲，諗吓點樣做好工作，結果我還咗幾年先還晒啲卡數，但感恩嘅，冇以前嘅磨練就冇今日嘅自己。」