陳奐仁變肌男：太太好開心
音樂人陳奐仁（Hanjin）昨日與鄧穎芝出席障礙賽記者會，最近成功變成「肌男」的Hanjin表示最緊要是減低內臟脂肪，現時是11%，希望減至8%，又透露現時開始節食，要把最愛食的肥豬肉變做雞胸肉。
問到太太見到他減肥成功是否很開心？他說：「佢係好開心，主要係因為我冇咗鼻鼾。（你之前話減肥前太太晚晚打你，因為你有鼻鼾好嘈？）佢起身會鬧我，話我嘈醒佢，但依家冇啦，佢唔會再因為我而被嘈醒。」
至於現時身為健身教練的鄧穎芝表示會與殘障學生一同參賽：「好多障礙佢未必應付到，所以有時我需要捧佢過去，但對佢好有信心。」問她是否魔鬼教練？她笑言訓練到對方每次都想嘔，但見到對方在短時間內瘦了一個碼都很開心。