陳凱琳秒殺嘉穎:唔係點同你拍拖?

陳凱琳首次演出喜劇獲男友鄭嘉穎讚賞,被取笑沒有幽默感的她藉此機會征服對方說:「我梗係有幽默感啦!唔係點會同你拍拖?」令嘉穎即時投降並讚她轉數快!

藝人陳凱琳(Grace)、黃智賢(Ben)、林師傑、李天縱與阮政峰等,昨日到尖沙咀宣傳進入結局周的劇集《翻生武林》,着背心裙的Grace被低胸亮相的李天縱搶「峰」頭。身為主角的Grace與Ben對大結局收視有信心,估計有26、27點,而Ben更透露有兩位主角會死,劇透谷收視!

新疆外景恨騎駱駝

首次演喜劇的Grace透露男友鄭嘉穎剛返港,趕及在大結局前追劇支持,她笑說:「佢仲會由頭開始追番,佢睇完仲同我講:『原來你都有幽默感(0架)?』講呢啲說話潤我。」問到如何反擊?Grace以幽默征服對方,笑說:「我話我梗係有啦!唔係點會同你拍拖呀?佢聽完笑我轉數又快咗。(接受到扮醜?)我見蔡思貝之前《踩過界》個哨牙Look,食嘢同講對白都好辛苦,但見到佢有好成績,係有回報嘅。」問到會否與嘉穎在復活節出遊?Grace透露要拋低男友一個人過:「我要去橫店拍新劇《包青天再起風雲》,拍十幾日,之後會去新疆外景,希望有機會騎駱駝,係我一個心願嚟。」

黃智賢撩松松唱《烏卒卒》

至於Ben透露正與曾合作兒童節目的老拍檔陳松伶(松松)拍攝新劇《危城First Lady》,問二人有否合唱《烏卒卒》?他說:「我有唱畀佢聽,但佢冇乜反應。(佢唔想面對?)係佢主動講番屋0架。」又表示與松松相識二十多年,自己仍不時與兒童節目劇組飯敍,笑言會邀她一齊加入。

文:影視組