雨僑試婚紗 效果「澎湃」

雨僑昨日獲邀為護膚品新店剪綵，本周六（31日）便是她與羅力威的大喜日子，準新娘仍忙於工作至明天：「真係忙到發燒，上星期就發燒感冒，好彩瞓足覺冇事。（有冇傳染畀羅力威？）好彩冇。」又說已試了婚紗，十分滿意：「 設計師好巧奪天工，婚紗好輕盈，但裙襬就好澎湃、好長。（以為胸前澎湃？）唔係特別性感，但設計同手工都好精細。」如今酒席、婚戒都已準備妥當，雨僑笑言：「好多嘢都係佢（羅力威）做嘅，我乜都唔知，對我嚟講嗰日有婚紗、有戒指就得啦！」近日雖然忙，她指大可在工作中Keep住最高峰狀態出嫁，因婚禮後要繼續開工，8月才去度蜜月。