AGA收50萬靚咪
歌手AGA（江海迦）昨日於中環畫廊舉行唱片報捷會，三張唱片《Luna》、《Ginadoll》、《Ginadoll Concert Live》分別獲白金及雙金唱片的驕人成績，環球唱片公司董事總經理黃劍濤（Duncan）在活動中送上「ADD迦」燈牌給AGA作禮物，其他單位亦送贈一支價值50萬的靚咪為禮，同時宣布AGA將於佛山、東莞、廣州舉行演唱會，其父母都專程由澳洲返港支持。
7月開始內地巡唱
AGA受訪時坦言完全沒有想過會有如此佳績，感到非常鼓舞：「一直都好想將細個聽過嘅歌放入廣東歌，多謝音樂班底，同埋特別多謝有玩開音樂嘅爸爸，每寫好一首歌都會畀佢聽，如果唔好聽佢會直接講，佢同監製舒文都對我好嚴格，唔會呵護我。（會唔會同爸爸合作？）好想，過去嘅假期都有一齊寫歌。」
AGA笑指晚上會請幕後功臣食飯慶祝，談及內地巡演，她透露將於7月開始，至於香港站，公司正計劃中，希望可以再出一張唱片後舉行。
文：音樂組