石詠莉幸福肥熟讀育兒經

歌手石詠莉（Sukie）昨日舉行新碟簽唱會，老公鄧健泓（Patrick）低調到場打氣。Sukie受訪時直認十分喜歡小朋友，為幫忙凑哥哥的兩個小朋友更早已開始熟讀育兒經：「我專登睇定啲教小朋友嘅書，仲會上網睇人哋點樣做。（同時為自己準備？）我呢啲就隨緣喇，今年好忙，要準備新碟同新歌，Patrick搞自己個騷，仲忙！」
石詠莉向來喜歡與小朋友相處。
石詠莉向來喜歡與小朋友相處。

談到Patrick百忙之中來撐場，她馬上甜絲絲說：「叫咗佢不如唔好嚟，我寧願佢抖一抖，見到佢咁辛苦我都肉赤，但係又好窩心。」Sukie又大呻為老公煮飯試食搞到幸福肥：「我日日朝早煮早餐畀佢食都煮得好辛苦o架，結果佢就愈食愈瘦，我就愈食愈肥，肥咗雙位磅數！因為佢係地獄式嘅運動量，我冇得跟，加上我又要為佢試菜，咪搞成咁。」

鄧健泓忙爆都要撐老婆場。
  • 鄧健泓忙爆都要撐老婆場。