古巨基恨復出揸咪做主持

古巨基日前以客席嘉賓身份擔任《東張西望》主持,節目中更播出他昔日做主持的片段。前晚他錄影節目時表示對當年的《娛樂新聞眼》情有獨鍾,若將來再開該節目,定必重操故業。

古巨基、康華、胡鴻鈞及陳明熹等於將軍澳電視城錄影節目《流行經典50年》,基仔坦言重看昔日片段時有很多回憶:「訓練班畢業後屬於我演藝事業第一個成長階段,就係《娛樂新聞眼》。」問到可會想再做綜藝節目主持?基仔說:「如果開番《娛樂新聞眼》,我一定嚟做,我對《娛樂新聞眼》情有獨鍾,我嘅成長嚟o架嘛!」

支持子華「封咪」

提到黃子華日前於活動上表示7月是最後一次開棟篤笑,近日與子華合作新歌《子華說》的基仔,踢爆對方早已在朋友聚會上透露有意「封咪」:「我唔記得個真正字眼係點,我嗰時仲以為佢係開玩笑。」問到會否覺得子華「封咪」很可惜?基仔稱作為鍾意看對方棟篤笑的觀眾,當然感到不捨,但作為朋友會尊重他的決定,期待子華以其他形式帶出香港人心聲。

康華化妝變整容

至於首次在電視節目獻唱的康華,坦言緊張到失眠,又指在家中練歌時因聲浪太大而被鄰居投訴:「我都唔好意思,嘈咗佢哋幾日。」提到日前於社交網站上載化妝後的照片,更笑言自己「整容」,她透露自己的化妝技術一向麻麻,現在認真上網睇片學化妝,又謂化妝化上癮,會放更多化妝後的照片上網。

文:影視組