囝囝讀哲學森美眼凸凸

藝人森美昨日出席洋酒活動，透露計劃與太太去蘇格蘭旅行：「我同太太都識騎術，諗住去蘇格蘭嘅古堡，有大草原又可以去酒莊都好浪漫。（暑假去？）唔啦！因為阿仔會返嚟香港，諗住同佢去新西蘭滑雪。」他透露英國留學的兒子趁復活節假返港，讀書成績彪炳，問到大學主攻科目？他笑言被嚇親：「問過佢想唔想讀醫或者讀法律，但佢竟然想讀哲學，我眼都凸埋！（你想佢讀醫？）咁正常讀醫係專科，啲人會覺得係最好、最穩陣，但諗諗吓好多嘢都係哲學嚟嘅，將來讀啲乜都冇所謂，最緊要對佢有信心。」