梁家輝爆料劉嘉玲唔着衫點露

劉嘉玲、梁家輝、吳磊及明道昨出席宣傳新片，片中嘉玲、家輝及吳磊「三為一體」扮演阿修羅，還即場示範「合體」，家輝大爆嘉玲拍攝時經常「露點」：「佢冇戲服着，只係光着身子，露很多點！」嘉玲即說：「真係露咗好多點，因為只係着加咗追蹤點嘅特技衫！」扮演阿修羅之王的家輝當上「主帥」，嘉玲笑說：「佢拍完一場到我哋開工，就喺旁邊指點我哋嘅肢體動作，配合佢嘅演出。」司儀陳芷菁即說：「家輝可以摸嘉玲嘅身體？」家輝即答：「移動同觸摸係兩回事，唔好想太多！」