江若琳Oscar掃街吹唔停
「生煎包王」蕭潤邦（Oscar）與女友江若琳（Elanne）相戀以來一直表現恩愛，更不時在社交網放閃，Oscar今年初在社交網宣布向拍拖不足一年的Elanne求婚成功，已落實於今年12月23日舉行婚禮並大排筵席，預計擺40圍大宴親朋。
貼地歎茶記
愛得甜蜜的二人，已像老夫老妻般過平民化生活，早前Oscar在社交網上載了一張與Elanne在茶餐廳撐枱腳的照片，足見兩人十分貼地。而日前晚上10時許，素顏上陣兼戴住口罩的Elanne，又被發現與Oscar出動到旺角街頭「掃街」，沿途邊行邊傾，之後步往附近一間台式飲品店買外賣，由於飲品款式眾多，Elanne一時花多眼亂拿不定主意，於是跟未婚夫研究一輪才選定心水。
戴罩兩頭望
當時街上人來人往，等候期間，二人站在一旁並全程背向大街，怕被人認出的Elanne雖然全程戴住口罩，但卻不時兩頭望，而Oscar手上拿着速遞包裹，他們更一起低頭撳電話，期間有講有笑，直至輪候到他們的號碼，Oscar負責去拿飲品外賣，然後與未婚妻「速閃」離開，繼續拍拖。
文、攝：追蹤組