古天樂靠「長」搶Fo韓庚 操肌「型」戰

藝人古天樂、韓庚、林雪及張建聲等，昨日出席由蕭定一監製、改編自動作遊戲真人版電影《真．三國無双》全球發布會，飾演關羽的韓庚自覺身材較瘦，故拍攝前三個月不停健身。至於演呂布的古仔笑言其角色最好打兼高人一等：「為角色增高，不過依家矮番。（造型上兩條翎子頭飾咁長，有冇影響拍攝？」因為增高咗，所以都冇人掂到，你哋唔好集中講我兩條嘢啦！」至於林雪的角色則屬好色之徒，問到如何訓練好色？他說：「好色呢樣嘢係與生俱來，不過要增少少肥。」

古裝片要除衫？

提到古仔拍攝時眼部受傷，他稱：「當時仲想繼續拍，但導演要我休息，咪返港接受治療。」韓庚則表示於戲中要耍大關刀：「舞起上嚟原來幾難。（滿意身形？）多啲時間操會更好。」古仔即踢爆韓庚健身理由：「因為有場戲佢要除衫同我對打，都唔明點解古裝片要除衫！（身材邊個好啲？）梗係韓庚。」

古天樂笑言為角色增高。	古天樂於頒獎禮上再開金口唱歌。	古天樂（左）與韓庚拿着兵器影合照。

唔想開金口

另外，前晚古仔於「香港電影導演會周年晚宴暨年度頒獎禮」上再開金口，大唱《一生中最愛》及《月亮代表我的心》，他對此表示：「其實我都唔想o架，大家叫我咪上去唱，驚大家覺得我唱得難聽，希望大家原諒。」

文：影視組