藝人林保怡近日被人利用其肖像招搖撞騙，昨日他在社交網上載與愛犬阿水的合照，呼籲身邊的朋友小心勿上當，他寫下：「兄弟姐妹們，必須要警惕了！我和阿水從來不會在網絡上找任何人借錢要紅包，如果有人用我的頭像和名稱要借錢要紅包，這個必須要小心！另外有些人拿着跟我合影的照片招搖撞騙，也要小心。」
記者聯絡上林保怡，他表示近日不斷收到朋友告知，有人利用與他的合照招搖撞騙：「已經唔係第一次，通常喺內地發生，好難話去報警，所以只可以喺社交網講出嚟，叫朋友小心啲唔好中招。網絡世界好大，一個電話騙案可以呃你幾千萬。我每日同唔少人影過相，唔影又唔得，我分唔到佢哋係好人定壞人，所以要講呢件事出嚟，等對方知我已經知道呢件事。」