三屆視帝郭晉安與歐倩怡給人Sweet爆夫妻的感覺，但結婚逾11年，感情難免會變淡，安仔表示曾因各有各忙，他又將重心放在小朋友上，夫妻間近乎冇晒話題，有一刻他曾閃過離婚念頭，但之後決定挽救，努力互相欣賞及增加生活情趣，成功重燃愛火。

郭晉安、歐倩怡結婚逾十年，育有一子一女，一直予人模範家庭的印象，但兩夫妻原來曾經出現婚姻危機，近年兩人因專注湊小朋友，夫妻間的話題愈來愈少。最近安仔離開效力30年的無綫，簽約王祖藍公司準備北上發展，他直言日後必定放更多時間在內地工作，少了家庭時間，令安仔要好好審視與太太及子女的關係。

安仔表示之前有段時間兩夫婦各有各忙，自己忙於拍劇，倩怡照顧家庭、子女之餘又要讀書，有時一星期只能見一次面，相處時話題也只是圍繞子女方面，忽略了彼此的關係，很少互相讚美及欣賞。安仔昨日接受電話訪問時，承認最迷失時更曾有離婚的衝動：「有諗過0架！但其實都只係一刻啫！」

發現問題後，安仔與倩怡即時傾談，兩人決定努力挽救婚姻，安仔直言：「挽救始終比分開容易處理。」之後想盡辦法「再次撻着」夫婦關係，例如安排一星期一次二人世界拍拖時間，並探索新拍拖地點，他笑言：「後尾發現到原來好多工廈都係約會嘅好去處。我又會玩啲小遊戲估吓佢嘅喜好，可以幫助重新了解倩怡。」

連串行動下來，安仔對老婆大人重新改觀：「以前覺得佢讀書會唔會三分鐘熱度，其實佢好有天分，亦發現原來佢個人好細心，幾忙都會為屋企做好多嘢，又注意全家人飲食健康，只係我之前冇留意啫！」經過兩個月的努力，他說雙方關係有進步，現時兩公婆一條心，之後可以更放心北上為事業衝刺：「呢一課確實將我帶到另一階段，我覺得同佢相處舒服咗！」

文：影視組