林欣彤約歌迷拉隊做義工
歌手林欣彤（Mag）昨日出席活動獻唱新歌，她表示新歌《忍》成績不俗，登上數個音樂平台的榜首，又謂今次是首次公開獻唱此曲，感謝歌迷特地前來支持：「多謝佢哋一直默默支持我。」問到可會舉辦多些歌迷聚會？她表示會，並指去年生日搞聚會，雖然打8號風球，但感謝場地仍然開放，因當時有歌迷是特地從內地來支持她。另外，她表示想與歌迷一起做義工：「可以聚吓又幫到人，依家都嘗試聯絡緊啲流浪狗場，又或者幫老人家、小朋友，乜都得。」
李幸倪「還債」唔敢呻
同場的歌手李幸倪（Gin Lee）表示之前與家人到澳洲旅行10日，大呻與家人旅行很攰，因很緊張：「有老人家好易話攰、熱、唔想行，我聽到就會諗係咪自己計劃得唔好。」直到第4天才學識調節心情，並笑言：「之後叫家姐快啲飛嚟會合我哋，我心情即刻放鬆好多。」她指今個星期復工已十分忙碌，忙錄歌及排舞，但笑說：「攰都唔會投訴，因為要返嚟還債。」
文：音樂組
攝：吳文聰