石詠莉詐型冇二人世界鄧健泓補鑊陪「濕平」
藝人鄧健泓去年底與石詠莉舉行婚禮，但婚後翌日即到內地出席活動，加上忙於籌備下月舉行的音樂會，少了時間陪老婆，令石詠莉詐型。鄧健泓為了慰妻，日前晚上與素顏的老婆現身九龍塘一個商場行街，兩人拖手並肩而行，到一間精品店挑選日用品，閒逛約15分鐘未有收穫便離開。
兩人轉到售賣行李篋的店舖，期間見到記者即走出門外打招呼，鄧健泓說：「佢成日話我出去做嘢唔陪佢，咁今日做完嘢，咪抽時間陪吓佢。」石詠莉則呻老公忙於籌備個唱，未有時間二人世界：「我梗係有投訴，所以佢先陪我。」問到個唱的籌備進度，石詠莉即代老公答：「我講公平啲。我覺得佢依家都幾Fit，無論外表定內在，佢都OK。」
為個唱重現《朋友二號》
此外，鄧健泓為拍個唱海報，複製16年前的專輯《朋友二號》唱片封套，拍攝當日現場放了當年的唱片、結婚請柬、婚戒和與老婆自資製作的唱片等物品，他說：「有一刻有想喊嘅感覺，突然間好想時光倒流，不過呢16年都算活得精彩，令我成長同成熟咗好多。」
文：影視組