余德丞拉車晒40吋胸 江嘉敏坐視不理
藝人陳松伶、江嘉敏（Kaman）及余德丞（Dickson）日前為新劇開工，於劇中飾演妹仔的Kaman，以「空氣感劉海」示人，而向來爆肌的Dickson，今次演車伕一角，穿開胸衫有機會大晒40吋胸，但Kaman笑言無緣欣賞！
「文青女神」Kaman和Dickson日前於電視城為無綫新劇《危城First Lady》開工，Kaman在幕前演出至今一直是露額清爽Look，但新劇換上有劉海造型，她笑言有「易容」效果：「我諗都10幾年冇留劉海，最後一次已經係小五，呢個Look要吹好耐，梳咗呢個頭，連化妝哥哥都唔認得我！」而身材向來有睇頭的Dickson，新劇則飾演車伕，問到可會晒肌？他說：「有一、兩場啦！」旁邊的Kaman笑指其車伕造型已甚有睇頭，問是否大飽眼福？她說：「冇啦！佢拉車時我坐後面嘅。」
陳松伶「咪咪」甩難
Kaman在新劇除了與松松合作，陳瀅亦有份演出，問小時候可有看過「松松姐姐」的兒童節目？她笑說：「我有睇佢最近嘅《全職沒女》，好羨慕陳瀅可以再同松松合作，亦因為有陳瀅呢位女神級，所以余德丞望都唔望我一眼，睇怕佢都鍾意陳瀅多過我啦！」Dickson聞言笑指自己有福氣，才能與兩位靚女合作。
至於松松則表示自己愛看偵探片，今次演「女柯南」感覺興奮：「今次最大挑戰係背對白！（劇中有大量男裝造型需要束胸？）同服裝、監製傾過，應該唔使，只要視覺效果好就得。」
文：影視組