龐景峰搞喊女友自討苦吃

龐景峰（Andrew）與圈外女友Peggy拍拖以來一直甜蜜蜜，兩人早前到日本北海道滑雪，期間Andrew卻搞喊女友，Peggy投訴說：「我唔係好識滑雪，佢呃我去最高嘅斜坡滑落去，仲同我講好平，嚇到我喊。」不過，Andrew最後也自討苦吃：「佢驚到想搭番纜車落山腳，佢除咗個Snowboard，成塊板滑咗落去山腳，我要落山攞番塊板，再行上個好斜嘅雪山，行咗200米，真係好難忘！」事後Peggy笑言要多謝男友逼她，激發她的潛能：「唔係佢逼我，我就滑唔到，第二日我就挑戰高難度，唔肯走。」Andrew認為情侶若想增進感情，最好一齊去旅行，建議一年至少去一次。