拓新加坡市場 楊秀惠加把勁買樓

母親是新加坡人的楊秀惠佔主場之利，與周柏豪到當地宣傳big big channel時，笑言因在新加坡有搞美容生意，故當然要前來出席：「上星期我都嚟過，連埋今次兩趟都有帶自己美容產品送畀Fans！（新拓展？）已留咗喺度一個月時間，生意開始咗冇耐，都希望集中火力一年！」拍劇方面，秀惠之前加入拍攝時間固定的處境劇《愛．回家之開心速遞》，問可擔心會難再調出組？她說：「上年睇住有份演《愛》嘅徐榮接多咗廣告，又結婚生仔又買樓，好羨慕！（羨慕對方生仔？）自己會加把勁，我係想置業啫！香港樓價好貴，買手袋買錶都仲可以，但買樓未得。」