馬國明轉「型」心穎冧爆望多兩眼
多位無綫藝人到新加坡宣傳big big channel，包括視帝視后級藝員，場面熱鬧！馬國明與黃心穎拍住拖出席，講到馬國明新劇角色轉「型」，心穎冧豬激讚：「其實佢一直走型格路線！」當心穎以女團姿態表演歌舞時，拋胸上陣，其他成員馮盈盈和邵珮詩都熱褲演出，極之吸睛！
【李文偉新加坡直擊】無綫藝人王浩信、陳展鵬、唐詩詠、邵珮詩、馮盈盈、黃翠如、馬國明、黃心穎、王君馨、楊秀惠及周柏豪等到新加坡義安城廣場出席《big big channel強勢登陸新加坡》活動，席間播放將播出劇集的宣傳片，包括《大帥哥》、《兄弟》、《再創世紀》及《宮心計2深宮計》等。早前翻唱劇集《降魔的》主題曲《到此一遊》的女團成員心穎、馮盈盈、張寶兒、邵珮詩表演歌舞，獨欠蔡思貝。不過，心穎表演歌舞時拋胸上陣，相當養眼，而盈盈和珮詩的熱褲演出，亦令現場氣氛升溫！而台上露腰晒心口的君馨，雖然賣力唱跳，但消瘦不少的她卻未見睇頭。
前後腳走冇拖拍
以情侶檔出席的心穎及馬國明，被問活動後可會留在當地拍拖？心穎笑說：「我都想，但我第二日要走，要開劇，見到咁多商場我都想行吓街。」馬國明則表示即晚回港拍攝新劇《白色強人》，問到再演醫生可有壓力？他說：「每個劇都唔同，唔會特別有壓力，今次走型格路線。」心穎聞言即冧爆力撐男友，更賣口乖說：「喺電視城遇到佢都忍唔住望多兩眼，其實佢一直走型格路線已經17年，但觀眾冇留意。（睇到心心眼？）最多都係望多兩眼，佢拍呢套劇之後貪靚咗。」馬國明指劇集每個角色都好型，自己偶然都可以型一型。至於《白》劇女主角詩詠被問到可怕見血會暈？她笑言每月都見一次，因此不怕，引得全場大笑！
馮盈盈熱褲晒腿
新加坡三屆視帝展鵬打頭陣演唱劇集主題曲，惹來全場粉絲尖叫，自去年9月拍畢劇集《天命》後，已休息半年的他表示，在無綫未試過有這麼長假期，實屬難得。問是否多了陪女友單文柔？他說：「時間都係放喺家人身上啦！之前都冇休息過，我都想沉澱吓，真係好攰！（單文柔係咪融入家中？）大家相處舒服，又唔係菲傭，點融入家中呢？」而身穿Bra Top配魚網透視上衣及短褲的盈盈，直言演出時很緊張：「自從《勁歌》頒獎禮之後都冇表演過，唔記得晒咁滯。（驚蝦碌？）今次五個變四個，走位唔同咗，就算有少少唔同，大家都未必會發現。」
攝：劉斌