藝人陸永的太太Reina早前發生交通意外，疑因對方一直未簽「和解紙」和賠償，令Reina收到警署方面通知事件仍未Settle。昨日，Reina在社交網上載對話截圖，見到有人聲稱自己因為一直在醫院所以延誤處理，質疑Reina將事情曝光是呃Like。Reina留言：「我緊張賠償的話，我唔會咁耐都未報價畀你！我絕對唔係為追$2,600出Post咁肉酸，我都驚畀人笑！請千萬唔好過數畀我呀！我唔要啦！無條件銷咗案喇！」陸永亦有發文為太太護航：「請不要再騷擾我太太了，錢我哋唔追討了。」