郭羨妮爆老公忙唔得閒造人

懷孕五個多月的陳倩揚昨日與郭羨妮出席有線新頻道記者會，宣布腹中是女嬰，更表示已通知兩個兒子，她興奮地說：「佢哋都好開心，細仔見到粉紅色嘅嘢話要留畀妹妹，希望佢哋可以快啲適應有多一個家庭成員！」她與育有一女的郭羨妮傾談生仔經，又祝福對方早日達成生第二胎的心願。郭羨妮即表示老公工作忙碌：「成日都唔得閒，根本好難夾到時間，講咗咁耐都未有結果。（想快啲生多個？）冇得恨，呢啲係天準備畀你，啱時間就會有。」她又爆陳倩揚懷孕初期叫她做針灸，陳倩揚解釋近年看中醫調理身體，對孕婦的情緒亦有幫助。