邱芷微山區探訪搵命博

藝人邱芷微（Chelffy）（原名邱美薇）日前跟隨慈善團體，連續4年到訪雲南昭通市彝良山區進行學童探訪活動，Chelffy透露此行山路十分崎嶇：「泥土太鬆，山路多變又窄，又近懸崖，好多時邊緣位可能只差1cm就會跌落懸崖，所以我哋好驚，每年上去都好危險，近乎搵命博，如果司機揸得太快就會全車碌落山。」她又笑言今次冇得沖涼：「我哋行山搬嘢好熱，山上又沙塵滾滾，頭髮出晒汗變咗一舊舊，因為沖涼攞水嘅地方係露天，所以冇得沖，只用毛巾濕水抹身。」出發前她特地學習扭氣球氹小朋友開心。