古巨基紅館騷拉攏新五虎

歌手古巨基前晚到電視城錄影《流行經典50年》，擔任嘉賓主持負責新環節《我們的勁歌金曲》，重溫勁歌頒獎典禮上的特別歌曲。講到何遠恆與李彩華分手，基仔表示之前不知情：「嗰晚都問有冇方法搵到何遠恆，搵番就可以五虎一聚，有人話佢同李彩華拍拖，但第二日睇報道知佢分咗手。」將於五月開紅館騷的基仔，表示未肯定能否促成「新五虎將」同台。