張秀文戥Victor難過望親祭仇志強

張秀文表示之前做體育節目，得知仇志強不少威水史。

「亞洲鋼門」仇志強周三在馬來西亞去世，其家人於當地時間2月23日晚舉行「守夜」，翌日早上出殯及進行火化儀式。仇志強兒子、前港姐張秀文緋聞男友Victor已飛抵當地，雖然早前有指父子關係疏離，Victor有到場逗留約一小時，但不會出席出殯儀式，身在當地的他在電話表示：「我靜靜坐一旁跟他道別，可以做同可以同佢講嘅已經做晒，見到他最後好安詳的一面，我已心滿意足，明天的事情由他的家人處理，始終……我是過去，不想帶給人家的麻煩！所以我用朋友身份送上祝福，雖然帶點遺憾，但對我來說，是來得安，去也寫意，希望來生，可以真正擁有我們的父子情！」前晚他上載在酒吧借酒澆愁的照片，留言表示忍不住爆喊；昨日他再上載花束照片，並留言：「永別了…」

• 林穎彤因患感冒錯過了三次拍攝機會，認真可惜。

「畀時間佢沉澱吓」

張秀文昨日與謝東閔及林穎彤（Bella）出席新年活動，她坦言有跟Victor聯絡：「戥佢好難過，畀啲時間佢沉澱吓，安慰嘅說話都講咗，呢件事好突然，係幾日內嘅事，靠佢處理。（有冇見過仇志強？）冇見過真人，但之前做體育節目，知佢好出名、好多威水史。（有指兩父子關係唔好？）以我所知，佢細個時父母離咗婚，冇同爸爸生活，但呢啲係佢嘅私人事。 」對於Victor表示缺席父親出殯儀式，秀文指尊重對方決定，並認為他或想避免尷尬，又指這幾天有工作在身，未能赴馬來西亞，但稍後有機會將前往拜祭。此外，同場的Bella消瘦不少，她透露因患感冒錯過了三次拍攝機會。

文：影視組