林奕匡腳痛入院變屙嘔

歌手林奕匡（Phil）昨日到黃埔舉行新碟簽唱會，大會主持搞笑指要為3月補擺喜酒的Phil預演玩新人，但Phil卻透露太太已取消了玩新人環節：「佢話想留多啲時間影相，而且唔想太趕搞到有咩甩漏。」他透露喜宴預計開20圍，又自爆蝦碌事：「同太太試過重複派帖，結果畀人笑係咪想收雙份人情。」而忙籌備婚宴的他自言可能沖太歲，特別黑仔：「之前以為隻腳踩到玻璃碎發炎，去完醫院照X光冇事，反而返到屋企懷疑食物中毒，又屙又嘔！（太太呵番？）佢有買粥我食，不過因為咁，今日陪唔到佢去澳門睇演唱會。」