曹永廉獻計叫蕭正楠上船造人
曾為星夢郵輪「世界夢號」拍攝宣傳片的藝人曹永廉和黃浩然，前晚在該公司總裁戴卓爾．布朗及市場部高級副總裁李鳳霞陪同下，出席「進退兩男『公』心計」首播記者會。席上阿廉、浩然在大雨中互餵蛋糕，溫馨又熱鬧。二人受訪時表示滿意酬勞，亦直認因去年拍攝《公公出埠》而獲邀拍攝，浩然說：「大家都覺得呢個組合幾好笑同有默契，我同阿廉都少見，今次寓工作於娛樂。」
計劃再拍《公公出埠》
阿廉又透露無綫正計劃拍新一輯《公公出埠》：「可能去一個遠啲嘅地方。」浩然隨即擺阿廉上次出埠發脾氣一事上枱：「幾兄弟都要傾嘅！睇吓會唔會有人發脾氣，如果有人發脾氣，我哋未必搞。」阿廉反駁笑說：「如果有人冇禮貌，我又未必去！」兩兄弟除拍宣傳片外，亦曾到郵輪參觀，阿廉表示有機會都想帶家人上船遊玩。提到眾人中只有蕭正楠未有小朋友，阿廉搞笑說：「嚟咗就會有小朋友啦！」
而前主播方健儀為活動擔任司儀，她稱過年前曾與父母及老公出海玩三日兩夜：「五月應該會再一齊坐郵輪去沖繩。（唔二人世界？）多啲人有唔同玩法，可以嗌多啲唔同嘢食分享。」
文：影視組