27歲奧斯卡影后珍妮花羅倫絲（Jennifer Lawrence）前日於英國宣傳新作《紅雀特工》（Red Sparrow）時，以性感戰衣騷胸露長腿，成為全場焦點！曾捲入荷里活「艷照門」、被公開大批私密照的她在訪問中剖白心路歷程：「有一段好長嘅時間，我唔想再同『性』扯上關係。」但直言接拍有不少裸露場面的《紅》片後，令她重建信心。
珍妮花透露拍攝時於整個劇組面前除衫，一度大為緊張，但導演Francis Lawrence與劇組令她感覺舒服，她形容「裸露都好似仲着住衫咁」，完成拍攝時更有感重獲力量。珍妮花表示：「『有選擇地裸露』與『被侵犯（被外洩私照）地裸露』感覺完全唔同，呢個（電影）係我嘅選擇，係為我嘅工作！」似乎已走出怕露肉的陰影。