譚嘉儀新牌仔跌唔停

歌手譚嘉儀（Kayee）成功考得電單車牌後，火速購入一部300cc的「烈火戰車」，日前在社交網大晒其鐵騎士英姿，跟無綫監製Jacky Lee及呂頌賢的電單車隊鍊車。Kayee昨日表示花了數萬元買了一部全新的「大包圍」電單車：「儲咗幾個月，但呢款算係入門車，二手價同全新價錢差唔多，梗係買一手啦！（撞花咪好肉痛？）肉痛o架！係話我膝頭哥，因為我唔夠腳長，試過連人帶車跌低幾次，膝頭哥擦損咗，好在有男人衝出嚟幫我抬番起部車。」問到「人包鐵」可感危險？她認為揸電單車亦可以好安全，雖然愛風馳電掣的快感，但絕不開快車：「我係新牌仔，車速上限係70公里。」