林超賢外景遇龍捲風拍到抑鬱

林超賢執導的英皇電影《紅海行動》在內地上映6日，即錄得11億人民幣票房。林導昨午會合演員蔣璐霞及杜江等到成都謝票，連走6場答謝觀眾支持，日內大隊將抵港出席香港首映禮。據悉《紅》片上映初期未被看重，後經馮小剛、徐崢、陳赫和韓寒等入場後力推，後勁凌厲，有業內人士更預計落畫時大有可能衝破30億票房！

「瘦咗起碼10磅」

林導談到有此佳績，即表示百般滋味在心頭。回顧《紅》片長達半年的拍攝期、到摩洛哥等地取景、遇上沙塵暴及龍捲風等天然災禍，他坦言：「最差嘅時候有諗過自己係咪揀錯（外景）地方，當時進退兩難，問題唔可以輕易解決，對我打擊好大，搞到差啲抑鬱，每餐只食白飯，瘦咗起碼10磅，呢套戲係我入行以來最辛苦嘅一次！」

蔣璐霞剷平頭裝

摩洛哥外景生活條件異常惡劣，即使男子漢亦難適應，林導更說：「我哋有3成係女性工作人員，佢哋真係好堅！好似蔣璐霞咁，將長髮剪成平頭裝，開工時我冇當過佢係女仔，佢對自己都好有要求，拍凌空翻車戲佢唔要墊，結果整損手，拍爆炸戲再安全都會有風險，佢又被飛出嚟嘅嘢整傷。」

導演林超賢聯同一班演員在成都謝票，場面熱鬧。	林超賢受訪時坦言今次拍攝是他入行以來最辛苦的一次。	電影在內地已錄得逾11億人民幣票房。

演戰地記者的海清也被不知名蛇蟲咬腫粉臉：「想幫佢換間車程遠少少、但環境好啲嘅酒店，起碼唔會再畀嘢咬，佢竟然堅持唔搬，要同大隊一齊！開拍前佢又同助手入住當地嘅民宿體驗生活，我哋好擔心佢嘅安全，惟有搵人陪住佢。」難怪林導表示今次絕對是「巾幗不讓鬚眉」。

文：影視組

化妝：A.Yip